දුක නිවන මග

අපි හැමෝම හැම වෙලාවෙම මොකක්හරි අපේෂාවකින් තමයි ජීවත් වෙන්නෙ.. අපේ ජීවිතයට යම් දුකක් ආවානම් ආවේම මෙන්න මේ අපේක්ෂා නිසාමයි.. අපිට ඇත්තේ අඩු අපේක්ෂා නම් අපට ලැබෙන දුකත් අඩුයි.. පින්වත් දරුවනි.. මේ අපේක්ෂා කියන්නේම දුකට හේතුවයි.. අපි අපේක්ෂා කල පමනින් කිසිවක් නොලැබේ.. ඇත්තේ අපේක්ෂාව පමනක් නම් නිසැක වශයෙන් ලැබෙන දෙයනම් දුකමයි.. අපි වයසට නොයා සිටීමට, ලෙඩ නොවීමට, මරණයට පත් නොවී සිටීමට අපේක්ෂා කලද..

 ඒ හේතුවෙන් අපට ලැබෙන්නේම වයසට යෑමේ දුකයි, ලෙඩ වීමේ දුකයි.. මරණයට පත්වීමේ දුකයි, මන්ද? අපේක්ෂා කිරීම යනු සමුදය සත්‍යයි..අපේක්ෂා කිරීම හේතුවෙන් පහල වන්නේම දුක්ඛ සත්‍යයයි.. ඉතින් අපි යමෙකුට දුකින් මිදීමට අවශ්‍ය නම් කලයුත්තේ අපේක්ෂා කිරීම නොව අපේෂාවෙන් මිදී සිත උපේක්ෂාවට පත්කොටගෙන දුකින් මිදීමට අධිෂ්ඨානකොට ඒ අනුව කටයුතු කිරීමයි.. පින්වත් ඔබ සැම දෙනා තම සිත් සතන් අපේක්ෂා වන්ගෙන් මුදවා උපේක්ෂාවට පත්කොට සතර සතිපට්ඨාණය වඩා සසර දුකින් මිදෙත්වා..!